رحلة نتمناها سعيدة بقلم : محمد ابراهيم
كان يا مكان فى سالف العصر و الاوان كان فى واحد مسافر
رحلة جميلة و
واخد معاه عياله و مراته و مش مخلى حاجة الا و جايبها فى
العربية سندوتشات حاجة ساقعة العاب ترفيهية هدوم حلوة ........الخ
و بعدين و هو مسافر فى طريقه وجد راجل عربته عطلانة و
علشان هو شهم و مجدع ركن ونزل يساعد
اهلا وسهلا ايه المشكلة
ده انا عربتى عطلانة
ورينى كده؟؟
لا لا لا دى مش نافعة
طيب و بعدين ده انا لازم اسافر
حضرتك رايح فين
انت طريقك ايه
انا مسافر اتفسح انا والاولاد و المدام
طيب خدنى معاك
طيب حضرتك مين؟
انا عمو الفلوس
اهلا حبيى اتفضل و سعوا ياولاد ده عمو الفلوس
واخده معاه و كمل رحلة سفره و بعدين و هم على الطريق
وجدوا عربية عطلانة تانى و علشان هو زى ما احنا عارفين بلغتنا مجدع و شهم نزل
يساعد صاحب العربية و حصل نفس الحوار السابق و طلع ده مين
ده طلع عمو الفرفشة
وسعوا ياولاد لعمو الفرفشة وركب عمو الفرفشة مع عمو
الفلوس مع الراجل وعائلته علشان يكملوا الرحلة
وهم فى طريقهم وجدوا عربية تالتة و علشان هو ايه؟
ايوه جدع وشهم وشاب رجولة نزل يشوفوا و حصل نفس الحوار
السابق بس المرة دى لم يوافق انه يركبه بحجة ان مافيش مكان والراجل كان شكله وقور
جدا ولابس نظيف و عبايته بيضاء فاعتذره الشاب
معلش يا عمو احنا اسفين مفيش مكان فى العربية
يابنى خدنى معاكم ده انا مهم
معلش معلش هو حضرتك مين؟
انا عمو الدين
ايوه اصل مفيش مكان
يابنى ارجوك انا لازم ابقى معاكم
سورى معلش ممكن و انا راجع ابقى اخدك
سلالالالالالالالالالام
و تركه و مشى و كان ممكن ياخدوا معاه فى العربية لو
زنقوا نفسهم شويه
فجاءة و هو ماشى وقفه راجل شكله صعب و قاله انزل من
العربية
ليه؟
خلاص رحلتك خلصت هنا
هو انت امين شرطة؟
لا
طيب حضرتك مين؟
انا ملك الوت
يا خبر
طيب ممكن انزل انا و الاولاد
لا
طيب المدام
لا
طيب عمو الفلوس ممكن يجى معايا
لا - الكفن مفيهوش جيب
طيب عمو الفرفشة و اللبس و الاكل و الشرب وال ........
الخ
ممكن واحد بس اللى يجى معاك
مييييييييييين؟
عمو الدين
ياخبر..... بحسرة قالها الشاب, طيب ثوانى ارجع اجيبوا و
اجى
ماينفعش لو كان معاك دلوقتى كان ممكن
انتهت القصة
كلنا ماشين و كاننا فى رحلة وواخدين كل حاجة معانا بس
ناسين اهم حاجة و هى الدين
ممكن الدين يبقى معانا فى كل حاجة و يخلى ليها طعم
فى الفسحة
فى الاكل و الشرب
مع اهلنا
وفى الاخر هو اللي بينفعنا
|