بقلم : كريم مدحت
(
الي الذين لا يعملون ... ويغضبهم ان يعمل
الناس .......اهدي هذا المقال )
قالها
طه حسين كإهداء في مستهل احد كتبه وكان يقصد بها إناس معينة وها أنا اعيد كتابتها
مرة اخري في مقالي ولكني لا اقصد بها شخص ما وإنما اعني بها جيل كامل ... جيل كامل
من ابناء مصر .
جيل
كامل من شباب مصر .. الجيل اللي اتقال عنه هو دا الجيل اللي هيحرر فلسطين .. هو دا
الجيل اللي هينهض بمصرويجعلها قادرة علي مواكبة التقدم الراهن في بقية دول العالم
.. الجيل اللي ياما سمعناهم بيقولوا هو جيل الامل .. جيل المستقبل .. الجيل اللي
جاي .. هو اللي هيبني ويعمر ... هو اللي هيزرع .. هو اللي هيرفع اسم مصر في شتي
المجالات العلمية والثقافية .
انا
عايز اقول لكل الناس اللي كانوا بيقولوا الكلام دا .. ( هأوووووووووووووووووووو )
.. عملتوا ايه للجيل دا عشان يقدر يحقق اللي انتو بتقولوه دا ولا هو كلام شعارات
واغاني كان بيتقال تقضية واجب .
عارفين
الشباب دول منظرهم عامل ازاي دلوقتي ؟ الشباب دي بقت ملقحة ع القهوة طول اليوم ..
الشباب دي بقي كل هدفها في الحياة الخمرة والبانجو وازاي يعملوا بيهم دماغ .. بقي
كل همهم هيتعرفوا ازاي ع البنت الفولانية دي .. بقي كل همهم الموضة والكورة
والاغاني والتفاهة دي .
عملتولهم
ايه .. وسبتوهم ليه لحد ما وصلوا للمرحلة دي .. ولا كل دا جاي علي مزاجكم لان انتو
عايزين تخربوا البلد علي اللي فيها ومش عايزنها تتحرك ولا خطوة لادام . بس ما
علينا انا مش كاتب المقال دا ليكم .. انا كاتب المقال للشباب دول .. الشباب اللي
بقت مش شباب .. عايز اقولهم انتو ليه بقيتو كدا ... ازاي مستحملين نفسكم كدا ؟
التعليم
وحش .. اه التعليم وحش .. ما انا عارف ان التعليم وحش وزي الزفت .. وانه واحد من
ضمن الاسباب اللي خلتكم توصلوا للمرحلة دي بس من امتي والتعليم شرط في ان الانسان
يبقي متميز عن غيره .. ايوه بكلم بجد ..اللي عايز يتميز ويبقي انسان كويس هيعرف
يبقي كدا س بشرط انه يبقي عايز
-
الاستاذ العقاد لم يكمل دراسته الايتدائية واعتمد علي نفسه في ان يكون ثقافته
الخاصة بنفسه .
-
نيوتن صاحب قانون الجاذبية كان يُقال عنه انه ضعيف دراسيا واهله فقدوا الامل في
انه يتعلم
-
بل جيتس نفسه بيقول ان التعليم الامريكي بيأخر عقل الواحد ويخليه متخلف .
يعني
التعليم سبب اه .. لكن مش هو السبب الوحيد .. التعليم دا مجرد شماعة بتعلقوا عليها
خيبتكم .. اه خيبتكم .. لازم تسمع الكلمة دي قبل ما يفوت عليك القطر وترجع تقول يا
ريت اللي جري ما كان .
انا
مش بكلم عن ناس كبار اللي القطر فاتهم ولا بكلم جيل النشأ اللي شكله هيطلع اخيب
منكم .. انا بكلمكم انتو .. جيل شباب العشرينات .. الشباب اللي انا منهم ..بكلم
ناس في سني .. بشوفهم كل يوم .. في الكلية
وفي النادي وفي الشارع وفي كل مكان حواليا .
الموضوع
بايدكم انتو .. انتو اللي تقدرو تغيروا حياتكم وتغيروا مستقبلكم ومحدش يتلكك
ويقولي اصل الظروف.
انا
عندي نظرية عايز اقولها .. لو رحنا بلد متقدمة وعلمنا فيها 100 واحد .. 90 واحد
منهم هينجحوا وهيبقوا افراد نافعة في المجتمع .. لو رحنا بلد اقل تقدم ومتوسطة
الامكانيات ال 100 دول هينجح منهم 50 بس ... لو رحنا بلد متخلفة وعلمنا نفس ال 100
شخص دول هيطلع منهم 10 بس والباقي هيضيعوا زي الشباب اللي ضايع دلوقتي . وللاسف احنا الدولة
المتخلفة دي .. ان بكلم ال 90 شخص دول بقي .. طالما عندكم استعداد وقابلية انكم
تتغيروا في ظروف احسن من كدا .. يبقي المشكلة مش في الظروف .. يبقي المشلكة فيك
انت .. انت اللي مش عايز تتحدي الظروف اللي حواليك .. وتحاول تبقي حاجة وتفيد نفسك
وبلدك .
كل
واحد عنده استعداد وقابلية انه يتعلم .. بس هو اللي مكسل او مش عايز .. دايما
معتمد علي ان غيره هو اللي يعمله كل حاجة .. هو اللي مش عايز يعمل حاجة .. اعتمد انه
يعيش عاله علي غيره
الشباب
دي اتعودت ان حد دايما هو اللي يمشيلهم حايتهم .. اتعودوا ان غيرهم اللي يفكر وهم
يمشوا وراه ... اتعودوا ان غيرهم يشتغل وهم اللي يصرفوا
حياتكم
كلها بقت ماشية بنظام السندوتشات .. اي حد يحشرلك اي حاجة في سندوتش وانت تنفذ علطول .. اتعودت ان المدرس يلخصلك المنهج
في ملازم شبه السندوتشات وانت تخش تطبعها في ورقة الامتحان .. اتعودت ان اهلك هم
دايما اللي بيفكرولك وانت تنفذ وخلاص من غير ما تفكر .
عشان
كدا مبقاش ليك شخصيتك المستقله بيك .. ماشي مع التيار وخلاص .. ما انت مش متعود
تفكر عشان تيجي تفكر دلوقتي .
انا
بكلمك انت .. ايوه انت .. الشباب اللي اتخرجت وقعدت ع القهوة .. الشباب اللي خلصت
دراسة وولا كأنها كانت بتدرس اساسا .. انتو مشتغلتوش ليه .. ومتقولوش البلد مفهاش
شغل .. لأ البلد فيها شغل بس للي عايز يشتغل .. انت اللي مش عايز تتعب نفسك .
ليه
كل واحد اتخرج من كلية تجارة عايز يشتغل مدير بنك وكل واحد اتخرج من كلية تربية
عايز يبقي مدير مدرسة وكل طالب اتخرج من الطب عايز يبقي مجدي يعقوب ........... طب
ازاي ؟!!!!!!!!!!!
ليه
محاولتش تشتغل .. ليه محاولتش تبتدي بأي حاجة .. حتي لو مش في مجال تعليمك ( قال
يعني فاهم اوي في تعليمك ) .
ليه
اختارت انك تاخد المصروف من بابا وتعد بيه ع القهوة وتشرب بيه سجاير .. تاخد
المصروف من بابا وتجيب بيه تي شيرت زي بتاع تامر ولا جزمة زي بتاعت عمر .. لا بجد
يا فرحة امك بيك .
هتقولي
احنا شباب وعايزين نعيش حياتنا بردو .. انت عايزنا نشتغل ليه .. ما لما يجيلي جواب
القوة العاملة ابقي اشتغل .
قوة
عاملية ايه يا بني .. هو في حاجة اسمها قوة عاملة اساسا ... انا عايزك تشتغل عشان
تبقي راجل وتتعود تشيل مسئولية ... عايزك تشتغل عشان بابا مش هيعدلك طول العمر
وساعتها مش هتلاقي حد يديك المصروف .. عايزك تشتغل عشان البلد دي مبقتش مستحملة
بني ادمين زيك كدا يا عاطل .
لان
انتو السبب في ان البلد ي متخلفة كدا ..عايزين تعيشوا حياتكم طب ما تعيشوها .. بس
عيشوها صح ... شوفوا شباب برابيعمل ايه .. الولد بعد 16 سنة مسئول عن نفسه وبيشتغل
... ومتقوليش نهم مش عايشين حياتهم ... لا طبعا دول عايشين عايشين وعايشين ... بس
كل حاجة ليها وقتها .. مش قاعد طول الوقت كدا زي الخيبة مبيعملش حاجة .
في
كلمتين عايز اقولهم ليكم يا شباب ياللي مش شباب :
أنتم
السبب الاساسي في تخلف هذه البلد وعجزها عن مواكبة قطار التقدم .
لقد
أصبحتم عالة علينا .. وعلي المجتمع ككل .. اصبحتم عالة علي من قرروا مواجهة الظروف
وتحدي المعوقات كي يحققوا شيئاً من اجل انفسهم ومن اجل بلدهم .
اصبحتم
كالحمل الثقيل الذي نحمله علي عاتقنا مانعين ايانا من التقدم اكثر واكثر .
ظلمتونا
معكم .. ولكن قبل ان تظلمونا ظلمتم انفسكم .. واصدرتم علي انفسكم قرار بالسجن
المؤبد داخل اسوار الجهل والظلام .. فلم ترحموا انفسكم فعذبتوها .. واهنتم ارواحكم
ولطختم بالطين تاريخكم .. فكنتم القاتل والقتيل .. كنتم الجلاد والشهيد .. وكنتم
انتم اليد اللي تلطم والخد الدامي .. لقد انكسرتم كما انكسر غصن فانطوي والتوي علي
نفسه.
وقبل
كل ذلك ظلمتم مصر فكانت قبلكم لها رأس وقدمين .. فجاءتم انتم واجبرتوا الرأس علي
الانحطاط فانحط ومازال ينحط حتي صار قدماً ثالثة فأصبحت مصر لها اقدام ولكن بلا
رأس فاصبحنا لا نعرف لها وجهة ولا قبلة امعانا في تعذيبنا .
لكن
وماادراك ما تفعله كلمة لكن
لكن
يبقي ان اقول ان الفرصة لم تفت بعد .. فمازال بايديكم ان ترفعوا الظلم عن انفسكم
وعنا .. ما زال بايديكم تغيير هذا الحاضر
الاسود الي مستقبل اكثر اشراقا .
| 
