الجمعة, 2025-07-18, 2:19 AM
الرئيسية » 2011 » فبراير » 19 » قالوا عن ثورتنا
|
اكتب إليكم هذه الكلمات من قلب ميدان التحرير .. اكتب إليكم بعض هذه الكلمات والأرض أمامى ما زالت ملطخة بدماء شهداء الثورة .. عذرا لم تكن ملطخة .. بل كان لها الشرف .. كل الشرف ان تمس تلك الدماء الطاهرة .. تلك الدماء التى ستخلد فى التاريخ .. وبعض هذه الكلمات كتبتها تحت الامطار أثناء هتاف أكثر من 2 مليون شخص .. هتاف واحد قد هز كيانى ألا وهو بسم الله .. والله أكبر . أحب أن أروى لكم ما عشته فى الثورة من عزة و كرامة وفخر .. لكن دعونى أولا أعرفكم بنفسى .. كريم مدحت محمد .. شاب مصرى .. طالب بكلية طب .. لم أكن يوما منتميا إلى أى حزب سياسى أو جبهة معارضة أو أى جماعة لها نشاط سياسى .. لم يكن لى يوما مشاكل شخصية مع النظام .. فلا اعتقلونى يوما .. ولا رفضوا أن يصرفوا لى معاش والدى ولا أى شئ من هذا القبيل .. كل مشاكلى مع النظام كانت مشاكل تخص تلك الطائفة المعذبة والمهانة على ارضنا ( الناس اللى مش لاقية تاكل .. الناس اللى مش عارفة تتعلم .. الناس اللى مش لاقية مكان تنام فيه .. الناس اللى بتموت كل يوم فى العبارات والقطارات ) .. وجب على ذلك لأننا كلنا كيان واحد .. فلا تقدم لى أو لغيرى دون هؤلاء الأشخاص مهيضى الجناح والمهضوم حقهم .. فأن أردنا مواكبة مسيرة التقدم وجب علينا أن نقوم به جميعا .. فكان لا مفر من رد حقوقهم وإعلاء كلمتهم . اسمحوا لى أن احدثكم عن ثورتنا .. ثورة 25 يناير .. فى صورة رسائل اوجهها لأشخاص بذات عينهم :1- قالوا عن ثورتنا .. هم مجموعة من الشباب عديمى التربية منعدمى الأخلاق ( شوية عيال ) : احنا ليه شوية عيال طيب ؟ لمجرد أننا نزلنا دافعنا عن حقنا وقلنا للظلم لأ ووقفنا قدام الطغيان وقلنا هنغير بقينا عيال .. احنا اللي مات مننا ناس وضحوا بحياتهم عشان البلد اتقال عليهم شوية عيال!!!! .. احنا اللي كتبنا التاريخ بدمائنا شوية عيال !!!!والشباب اللي قعدت في بيوتها بتقول بابا مبارك هم اللي رجالة .. ما هم اصلهم ليسوا ناكرين الجميل .. جميل حسني مبارك علي الشعب .. فقد ظل 30 سنة يسرق ويأكل في أموال الشعب ولما قلنا كفاية كدا بقينا عيال !!!- بصراحة لو هيكل واحمد زويل وعمرو خالد والبكري والشهدا اللي ماتوا دول عيال .. اذن فأنا فخور جدا بأني عيلكيف تقولون ذلك ؟ والعالم كله يتغني بجمال وعظمة الثورة المصرية :-باراك اوباما : يجب تدريس الثورة المصرية لأولادنا حتي يصبحوا كشباب مصر-فيشر : يجب اعطاء شعب مصر جائزة نوبل-رئيس وزراء ايطاليا : المصريين لم يفعلوا شيء جديد .. فهم صنعوا التاريخ كالعادةرغم كل ذلك وتجد من مننا -نحن المصريين- يخرج علينا بعقليته السذاجة قائلاً .. هذه الثورة فاشلة وشباب فاشل غير قادر علي الفهم ولا يمتلك الوعي الكافيوعندما تسأله ما هي مؤهلاتك او ثقافتك او ايدلوجيتك السياسية لاطلاق حكم كهذذا ؟ يقولك هاهقالوا شوية عيال مش هتعرف تطلع الريس .. الريس عنده انه يموت احسن ولا يتنحي .. دا راجل محنك وخبير سياسي وبقاله 60 سنة في المجال دا .. استحاله يخرج عشان شوية عيال قالوله اتنحيردي الوحيد عليكم .. اين انتم الان وقد تنحي بالفعل .. شوية العيال اللي بتقولوا عليهم خلوه يتنحي احسن رد عليكم الان أن تنظروا حولكم وتروا انكم في جحوركم لا تستطيعوا الخروج ولا الرد علي من انتصر عليكمثورتنا رغم عنكم هي أجمل ثورة عرفها التاريخ المصري كله .. وجيلنا هذا أعظم جيل من 30 عام .. فهو أول من قال لا للظلم .. لم يخش شيئاً لا الرصاص ولا المدافع .. لم يخش حتي الموت .. بل كان يرحب به وبالشهادة حباً في هذا الوطن ودافعاً عن حقه المسلوب .2 – قالوا عن ثورتنا .. انها السبب في الخروج بالصورة المهينة للرئيس الراحل .. فهو رمز مهما كان وحارب في 73 وقام بانجازات كثيرة لمصر:اود ان اقول ان السبب الاول والاخير في الخروج بهذه الصورة المهينة هو الرئيس نفسه .. هو كبر وغرور مبارك نفسه .. رفضه ان يتنازل بصورة تليق به .. ثم من المسئول اساسا عن خروجنا أليس هو من قتل .. ليس هو من سرق ونهب .. أليس هو من ترك كلابه تعثي في الأرض فساداً .نحن لسنا مسئولون عن خروجه بالصورة المهينة تلك .. لا يجب عليه أن يلوم إلا نفسه وحاشيته .. هم المسئولون عن ذلككيف تطلب مني انا اللي بقالي 30 سنة بتسرق وبتنهب اني احافظ علي اللي بيسرقني دا .. طب ازاي !!!!انا مش متخيل ان في واحد فاكر ان احنا مش معانا الحق .. بتفكر ازاي !!!!!!!!!!!!بس ما هو اكيد مش متعود تفكر في غيرك .. بابا بيديك المصروف .. بيديك دروس لو احتجت .. كل طلباتك مجابةهيفرق ايه معاك الناس اللي طالع عنيهاهيفرق ايبه معاك الناس اللي بتموتهتفرق ايه معاك الناس اللي بتجوع ... اللي مش لاقية حق الاكل .. اللي مش لاقية العلاجهيفرق معاك ايه الناس اللي مش لاقية مكان تتعلم فيههيفرق معاك ايه الناس اللي مش لاقية مكان حتي تنام فيهلو كنت جربت في يوم تبات في الشارع .. لو جربت انك تنام يوم وانت مش لاقي اكل كنت مقلتش كدالو كان اللي مات من الشهدا حد فيهم قريبك مكنتش قلت كدالو كان اضرب عليك نار ... واترمي عليك قنابل .. واتضربت زينا مكنتش قلت كدالو كنت جربت ازاي تبقي واقف وشوية كلاب بتضرب عليك رصاص حي واحتمال تموت في اي لحظة وحتي مش عارف تكلم اهلك تودعهممكنتش قولت كدالو كنت واقف بتكلم واحد وفجأة لقيته جنبك جثة ميتة وكل اللي عمله في حياته انه طالب بحقه وخقك مكنتش هتقول طب نسيبه ال 6 شهور دوللو كنت جربت يعني ايه هتموت دلوقتي وقولت اشهد ان لا اله الا الله ومتوقع انك الضربة جاية في ثواني من اي مكان وخلاص هتقابل ربنا بعد شوية كنت عرفت ليه فضلنا مصممين علي داثم ان الخروج بالطريقة المهينة دا كان لازم .. عشان تقدر بعد كدا تشيل رؤوس الفساد اللي استشرت في كل المجتمع المصريعشان تقدر بعد كدا تقول تغييرعشان الثورة تحقق هدفهاعشان الثورة تتسجل في التاريخ .. عشان الثورة تبقي قادرة علي صنع لمستقبل الجديدلو كان فضل الست شهور دول .. مكناش سمعنا ولا شوفنا الفضايح اللي بتظهر كل يوم من فساد في البلدمكناش قدرنا نحاكم المسئولينمكناش قدرنا نبني ونغيرمكنتش شفت الشباب قالت عايزين تغيير وعدالة اجتماعيهمكنتش شفت الروح اللي موجودة دلوقتي ولا الايجابيه اللي الشباب بتتحرك بيها دلوقتي3- قالوا عن ثورتنا .. انها ليست ثورة سياسية وانها في البداية ثورة جياع تهدف إلي القثضاء علي البطالة والفساد :احب ان اقول ان هذا الكلام هو اوحد من كلام كثير اطلقه علينا الاعلام الموجه القذر كي يفرق بيننا وبين بني عبنا .. من اول يوم نزلنا فيه ومطالبنا محددة ومعروفة :1) اسقاط الرئيس 2) تغيير الوزارة3) تعديل الدستور4) الغاء قانون الطواريء5) حل مجلس الشعب والشوري6) تغيير الايدلوجية السياسية في مصر7) ضمان نزاهة الانتخابات الرئاسية والبرلمانية القادمة8) محاكمة المسئولي عن الفساد في مصر4- قالوا عن ثورتنا .. كان من الواجب ان تنتهي بعد الخطاب التاني للرئيس الراحل لانه حقق معظم المطالب :فين المطالب اللي اتحققت دي- احنا قلنا نحل البرلمان .. قالك هننفذ الطعون اللي كانت مقدمة- قلنا نغير الدستور .. قالك هغير تلت مواد- مكنش جاب سيرة قانون الطواريء اساسا بعد الخطاب التاني- هدفنا الاول ومطلبنا الاساسي كان اسقاط الحاكم نفسه .. ازاي هنوافق علي الوعود الهلامية اللي كانوا بيقولوهاثم ان الوعود كان باين عليها انها وعود فقط من أجل المماطلة .. كان باين ان فيها لف ودوران بطريقة فظيعة5- قالوا عن ثورتنا .. انهم شباب مرتشون .. دول بياخدوا فلوس باليورو وبياكلوا في كنتاكي :وللاسف في ناس صدقت الكلام القذر دا- الناس هناك كانت بتقسم السندوتش مع بعض .. الناس هناك فعلا مكنتش لاقية الاكل في كتير من الاحيان- الناس الغلابة اللي كانت هناك دي نزلت من اجل بلدها .. من أجل رد حقها المهضوم .. من أجل حريتها .. من أجل كرامتها الشخصية ..لا من أجل المال كما روجت وسائل الاعلام القذرة .- الناس اللي هناك دي لو كانت بتاكل في كنتاكي وبتاخد يورو .. مكنتش وقفت ادام نيران المدافع والقنابل .. مكنتش رحبت بالشهادة اوي كدا .- كم أنت ساذج حتي تؤمن بمثل هذه الترهات والتفاهات .. كم أنت ساذج حتي تؤمن بمثل هذه المؤمرات الاعلاميه الموجهة التي كان يقوم بها إعلامنا المصري 6- قالوا عن ثورتنا ..انها تستهدف الشخص الخطأ .. فالرئيس ليس له يد في ذلك وإنما حاشيته هي المسئولة وعندما قلنا كيف ذلك .. قالوا ان التقارير التي كانت تصل له كانت مغلوطةكلمة واحدة اود ان اقولها : تباً لكم ولفكركم الساذجكيف كانت تصل له التقارير خطأ .. كيف وأنا حاكم البلد انتظر تقارير من هم أدني مني .. ألا أري ولا أسمع!!!!- حتي وإن كان ذلك :فأنت أمام حل من اتنين :ا. اما الرئيس كان يري ذلك فعلا وكان يسكت عنه .. فليس بيده حيلة .. فقد تولت كلابه زمام الحكم .. لذلك كان من الواجب والضروري فعلا اجباره عن التنحي عن الحكم حتي يتسني لنا اختيار رئيس قادر علي تحريك واصدار أوامر لمن هم أدني منه .. وليس ( شورابة خرج ) كما تقولون عن بابا مبارك حبيبكم .ب. اما انه فعلا كان لا يري ذلك وكانت تصله تقارير خاطئة بالفعل .. لذلك وجب علينا ايضا اجباره علي التنحي .. فهو عذر أقبح من ذنب .. كيف وهو رئيس البلاد لمدة 30 سنة يكذب عليه حاشيته .. فالشخص الذي جانبه الصواب في اختيار اشخاص تساعده في اداره شئون البلاد .. كيف له أن يدير شئون وأحوال بلد عظيمة كمصر .7 – رسالة إلي من كل قال بابا مبارك :- في البداية احب ان انوه اني لم أري من قبل في اي عصر كان ان علاقة الحاكم بشعبه هي علاقة الاب بابنائه .. بل في كل العصور الاسلاميه كان الحاكم وكأنه موظف .. يخدم البلاد ويسهر من أجل تحقيق الأمن والأمان لشعبه .. لم أجد يوماً شخص لقب حاكمه بالوالد او الأب .- أنتم تقولون انه بابا المصريين كلهم .. بصراحة اول مرة اشوف اب بيسرق ولاده .. اول مرة اشوف اب يسيب ولاده يموتوا في العبارات .. اول مرة اشوف اب يجوع ولاده .. اول مرة اشوف اب يسيب شوية كلاب تقتل في ولاده .. اول مرة اشوف اب بكل هذا الكره لاولاده- متحكموش علي صلاح حال البلد لمجرد ان حالكم انتو كويس .. انزلوا شوفوا الناس اللي مش لاقية اكل .. انزلوا شوفوا الناس اللي بتموت .. انزلوا قوافل .. شوفوا المستشفيات .. شوفوا يعني ايه شعب مهان .. وبعد كل دا ترجع تقولي بابا .. حقاً لا افتخر به كأب لنا .. ولا افتخر بكم كأخوات لي .8- رسالة إلي كل من شارك وقال انا اسف يا ريس :أين عقولكم .. أين ذهبت .. أين ايدلوجيتكم .. كيف تفكرون ؟اسفين علي ماذا .. اسفين علي القيام بثورة يشهد لها العالم أجمع بعظمتها .. اسفين علي اجباره علي التنحي بعد أن ظل يسرقنا 30 عام- إن كان هناك من يستحق الاسف .. ويستحق تعاطفكم معه هم أهالي الشهداء .. هم الأطفال الذين لم يتجاوزا الرابعة من العمر وها هم قد فقدوا والدهم أو والدتهم- اذا كان من هناك من يستحق شفقتكم .. فهم أباء الشهداء .. الذين فقدوا أولادهم وهم في ريعان شبابهمانا اسف يا ريس فعلا .. اسف اني مقدرتش اسكت عن الظلمانا اسف اني مقدرتش اسكت عن تصدير الغاز لاسرائيل .. مقدرتش اسكت عن الاكل المتسرطن .. مقدرتش اسيب حق الناس اللي ماتوا في العباراتانا اسف يا ريس لني مقدرتش اغمض عيني عن الناس الجعانة ... عن الشعب الغلبان .. مقدرتش اسكت عن الناس اللي مش لاقية فلوس ولا تاكل ولا تلبس ولا تتعالج ولا تتعلم9 – في النهاية احب ان اختم مقالتي برسالة اوجهها بعد 20 عام ان اطال الله لي العمر .. رسالة اوجهها الي ابنتي ملك اذا رزقني الله بها : هاقولها بابا ياملك حضر الثورة دي .. بابا يا ملك كان واقف واضرب في الثورة دي .. اتبهدل في الثورة دي عشان تطلعي انتي وكل جيلك جيل محترم .. عشان متشفوش الذل اللي شفناهعشان متعشوش الاهانات اللي عشناهاكان عندي استعداد اموت يا ملك بس مسكتش عن الظلمكان ممكن اعمل اي حاجة في الدنيا عشان تطلعي في جيل ميعرفش الظلمكنت خايف عليكي يا ملك لحسن ميبقاش معايا فلوس ومعرفش اجيبلك اللقمةكنت خايف ميبقاش معيا فلوس اعرف اعلمك بيها .. كنت خايف عليكي من الاهانهكنت خايف عليكي من الظلم .. كنت خايف عليكي يا حبيبتي تطلعي تتهاني في التعليم زي ما هانوننا مكنتش عايزك تتبهدلي في حياتك يا ملك .. مكنتش عايز يحصلك حاجة ومعرفش احميكيكنت عايز اضمن ليكي مستقبل جميل ليكي عشان تقدري تخدمي بلدك من غير ما تلاقي حد يقف ضدكانا بحبك يا ملك وبحب كل الجيل بتاعكم واللي هييجي بعدكم .. عشان كدا احنا عملنا الثورة ديقمنا بهذه الثورة من أجل مستقبل أفضل وأكثر إشراقاً لنا ولكم .. أحب اأن اهدي هذه الثورة للأجيال القادمة من بعدنا .. فلتحافظوا عليها .. فابائكم ضحوا بأنفسهم من أجل تحقيق هذا الإنجاز العظيم . |
|
مشاهده: 511 |
أضاف: vitsh
| الترتيب: 5.0/1 |
|
|
